gselaci.wordpress.com

Archive for the ‘Media’ Category

Hej, idiota! Enis klouni o’ ktu! Shijoni knaqsinë! Okej, pse jo!

In Media on 27 September, 2015 at 20:14

Gëzim Selaci

Falë portaleve tona të shumta që ngajnë pas “lajmeve” sensacionale, të gjithë e njohim Enis Ujkanin përmes një reklame për një markë kafeje, ku ai shfaqet si kopje e zbehtë e Gjorgj Kllunit[1]. Po, pikërisht, është ai (Enisi, jo Gjorgji) që e udhëhiqte emisionin “Super Sfida” në kohën e pikut të shikueshmërisë televizive (“prime time”) mu në RTK, i ashtuquajturi shërbimi publik transmetues.

Mirëpo, sa prej nesh e dinë se ky djali ka qenë producent i show-kuizit televiziv të diturisë “Kush do të bëhet milioner” në gjuhën shqipe. Ky ishte një nga emisionet e rralla kishe-inteligjente që kanë mundur të shfaqin televizionet tona, mirëpo as RTK publik e as stacionet tjera televizive nuk ishin të interesume me e shfaqë atë emision për shikuesit e tyre. Pastaj, ky djali si figurë në biznesin mediatik, e ka kuptu mesazhin që i është përçu nga shtëpitë mediale dhe me gjasë ka kalkulu se çfarë duan mediat dhe çfarë mund t’ju shesë atyne nëse do me mbetë në show-biznes.

Read the rest of this entry »

Advertisements

Radikalizmi islam dhe propaganda mediale

In Media on 21 September, 2014 at 13:12

Gëzim Selaci

Se çfarë politike të “luftës kundër radikalizimit” duan me na e shitë mediat e Kosovës ilustrohet mirë në këtë shkrim propagandistik të botuar në faqen e shërbimit publik të informimit (RTK) në internet në adresën: http://www.rtklive.com/?id=10&r=4683.

Ky artikull shtron disa shpjegime të dukurisë në fjalë dhe sugjerime se si të adresohet problemi: (1) shkaqet e Islamit radikal në Kosovë kërkohen nga jashtë shoqerisë, më saktë tek investimi serb dhe rus në këtë dukuri (shih nga mesi i artikullit në fjalë), (2) kërkohet që shekullarizmi të sanksionohet edhe më ashpër me ligj (shih paragrafin e tretë nga fundi), (3) kërkesat për praktikat fetare e kulturore, siç është bartja e shamisë myslimane në shkolla, barazohen me terrorizëm (shih paragrafin e fundit), (4) sugjerohet që shekullarizmi i shtetit duhet të ruhet për hir të standardeve Perëndimore (shih paragrafin e pare dhe te parafundit). Gjithashtu (5) paragjykohet se kjo “luftë” përkrahet nga shumica (shih paragrafin e parë) dhe (6) konkudohet se politikë është bërë edhe me fe e me ndjenja të komunitetit besimtar duke “flirtuar” me prijës fetarë për përfitime e përkrahje politike, (shih paragrafin e trete).

Mirëpo, të gjitha këto që i numërova janë tejet problematike, si shpjegimet e problemit, ashtu edhe sugjerimet se si të adresohet ai. Si kështu? (1) Duke gjetë fajtorët e dukurisë në fjalë tek infliltrimet serbe e ruse, ofrohet një shpjegim i thjeshtëzuar që thekson faktorët e jashtëm duke neglizhuar rrethanat e shkaqet më të drejtpërdrejta të dukurisë së radikalizimit fetar, siç janë ato ekonomike, politike e kulturore, e që tregojnë dështimin e shtetit në këto sfera, (2) Meqenëse legjislacioni i Kosovës është i mjaftueshëm për të ruajtur karakterin shekullar të institucioneve të tij, me propozimin që ai të sanksionohet më fort, sikur shprehet një tendencë për ta kufizuar edhe më lirinë e të shprehurit, (3) Gabohet kur kërkesat legjitime për liri të besimit e të praktikave fetare zhvlerësohen kur konsiderohen si kërkesa radikaliste, (4) Duke e lidhur nevojën për shtet shekullar me kërkesa të jashtme (të Perëndimit), sikur neglizhohet imperativi i vetë shoqërisë për shekullarizëm si shkallë emancipimi, si dhe traditën shekullare që ka ajo, në të cilën ka merita edhe kleri mysliman, (5) Pretendohet përkrahje të gjerë të “luftës kundër radikalizimit”, ani se nuk është e sigurt (se nuk është hulumtuar opinioni publik) nëse kjo mënyrë qysh politika, drejtësia e mediat po i adresohen radikalizimit përkrahet nga shumica e qytetarëve, (6) Kur theksohet se është bërë politikë me fe, harrohet se, po kështu, politikë po bëhet edhe me të ashtuquajturën “luftë kundër radikalizimit”.

Në një gjendje në të cilën shteti ka dështuar të krijojë një sistem cilësor të arsimit, e ku popullata për burim kryesor – e shpeshherë të vetmin – informimi e arsimimi mbi çështjet e shtruara e ka televizionin, gazetat e portalet, mediat kanë përgjegjësi të shtuar ndaj publikut.

Adam Curtis about blogging and mainstream media

In Media on 16 December, 2007 at 02:21

Adam Curtis, a documentary maker currently working for BBC Current Affairs, talks about internet blogging leading to a growing simplicity, how internet blogging affects mainstream media and the insecurity amongst the media class…, so we end up with a rigid, simplified view of the world, which is negotiated by mainstream media in response to the bullying extremities… LISTEN